Arwa sajjal

نام:اروی سجل

تاریخِ پیدایش: 28 جون 1982

جائے پیدائش: بھون
شہر کانام: چکوال

شعری سفر :2009 سے

*************

بادل،برکھا سرد ہوائیں

مل کر یاد تمہاری لائیں

زرد شجر اور شام سنہری

تم آؤ تو واری جائیں

کہر میں لپٹی کچھ باتیں ہیں

دھند میں لپٹے کچھ وعدے ہیں

کیا سمجھو گے کیا جانو گے

پریت جو ہجر کی ماری گائیں

دل نگری میں جشن سماں ہے

گزرے لمحے بھی رقصاں ہیں

فروری کی یہ شب اور بارش

من مندر میں گل کاری لائیں

کمرے میں بکھرا ہے ہر سو

یاد کا کچھ ساماں اور میں

آؤ تو بستر سے سمیٹیں

یاد کی شکنیں،ساری آہیں

ڈائری،پھول،کتابیں،خوشبو

کونسا تحفہ کب لائے تھے

بھاپ اڑاتی کافی کے سنگ

اشک کے موتی ہاری جائیں

سوندی خوشبو یہ مٹی کی 

کھڑکی سے رم جھم بارش کی

تشنہ لبی کے سارے منظر

روح پہ زخم اک کاری لگائیں

*************

Mjhy acha sa lgta ha

Sunheri sham ki dehleez py 

Yadon k angan mn

Sajana anjuman dil ki

Tmhn e sochty rehna

Tri baton ko dohrana

Tri baton py muskaana

Mjhy acha sa lgta hy

Suno! Acha sa lgta h

Tri yadon k shany py 

Sr e sham rkh k sr apna

Kasak c ankh mn ly k

Smon sung doobty sooraj ko

Aisy daikhty rehna

Mjhy acha sa lgta h

Prindy daikhna jhund mn

Rawan hon aashiyano ko

Urey jaty hn jo masroor

Liye umeed manzil ki

Bht acha sa lgta h

Mgr

Acha nhn lgta

Falak py phailti surkhi mn lipti 

Hui....Adhoori arzu ka krb

Chupa k ankh mn ansu

Dba k hont ka kona

Sja k aarzi muskaan

Thky qdmon py chl k phr

Mra ghr loat k aana

Mjhy acha nhn lgta 

Mjhy acha nhn lgta

*************

آ جا کہ اب اک پل کو بھی آرام نہیں ہے

یادیں ہے تیری اور کوئی کام نہیں ہے

آنکھیں ہیں کہ سمندر میں اترتا ہوا سورج

دید ایسی کہ تجھ سا کوئی گلفام نہیں ہے

ہر صبح پکارے ہے کہ نئی دنیا میں آ جاءو

لیکن تیری یادوں کی کہیں شام نہیں ہے

ہر چہرے پہ ڈھونڈی ہے پھر بھی نہ ملی ہم کو

وہ آنکھ جو تیری ہے ہر گام نہیں ہے

تحلیل ہے تو روح میں ، شہ رگ سے بھی ہے نزدیک

منسوب ترے نام سے بس نام نہیں ہے

کچھ پل کو ٹھہر جاتے کچھ کہنا تھا ہم کو بھی

جز اس کے کوئی ہم کو آلام نہیں ہے

 وہ پہنچا ہے منزل کو یہ کم ہے خوشی اروی

کیا ہے جو کہیں اپنا در و بام نہیں ہے

*************

دعا

خدا وندا !

عطا حرف سخن کر وہ

کہ میں وہ لفظ لکھ پاؤں

محرما کم سخن کو جو

جکڑ لیں اپنے پنجے میں 

جو ہوں اس روح کا ساحر

اگر وہ دائرے سے باہر جھانکے تو

وہ تحریر اسکے پاءوں کی

زنجیر بن جائے

بھلا کے ساری دنیا کو

ع-ش-ق کی---یا رب

سبھی رمزیں سمجھ پائے

فقط میرا وہ ہو پائے

*************

غم زندگی تری داستاں کچھ اس طرح سے طویل ہے

تری الجھنیں میں لکھ سکوں یہاں وقت اتنا قلیل ہے

کیا برا کیا  جو چاہ کی،ہوا جرم کیا جو سزا ملی

ہیں محبتوں کے امین ہم،ہے گواہ کوئی نہ وکیل ہے

یہاں عشق کی ہے سزا کڑی،نہ سمجھ سکے کوئی صدق دل

کہے عاشقوں کو جو نامراد،یہ زمانہ ایسا بخیل ہے

سنو! زیست اپنی ہے بے مزہ،ہوا جب سے دور تو بے نوا

تجھے کیا خبر ترا رابطہ،مری زندگی کی دلیل ہے

مری چشم نم میں اے الم نواز! ترا عکس ہے کبھی جھانک لے

مری روح تلک ہے رچا بسا،تو ایسا میرا خلیل ہے

*************

محبتوں کے امین اکثر--- بلا کے خائن،

رچا کے چاہت کا ڈھونگ دیکھو

چلے ہیں من کی زیارتوں کو

گرا کے روح کی عمارتوں کو

بنے ہیں فاخر،

رفاقتوں کی اڑا کے دھجیاں

وفا کو قدموں تلے ہیں روندے

عجب تفاخر سے چل رہے ہیں

کوئی جھنجوڑے کوئی پکارے

بتائے جا کے کوئی تو ان کو

وفا شکن کی سزا کیا ہے

کبھی یہ سوچو تو ایک پل کو

تباہی تم جو مچا رہے ہو

اسی کٹہرے میں تم کھڑے ہو

کہ وقت کی تو سزا کڑی ہے 

تو کیا کرو گے

یہ روح میری جو کی ہے گھائل

یہ کرچیاں گر تمہیں ہو چننی تو کیا کرو گے

انگلیاں تو لہو سی ہوں گی

نہ چن سکو گے

سو یہی ہے بہتر

کہ دل کے دربار میں اگر تم

قدم جو رکھو--خیال رکھنا

ہو صاف نیت،ضمیر وضو

وفا شکن سے وفا شعاری کی راہگزر پہ

ہو گامزن تو---بہت ہی بہتر

مراد تب ہی تم پا سکو گے

خیال رکھنا یہی ہے بہتر----

*************

اروی سجل