Maheen Khadija

نام : ماہین خدیجہ

تاریخ ِ پیدائش: یکم ستمبر انیس سو بانوے 

والد کا نام : عبدالرشید قادری

جائے پیدائش : مظفر آباد

شہر (موجودہ) : اسلام آباد 

ماہین کو ادب سے لگاؤ بچپن سے ہی تھا کیونکہ گھر کا ماحول خالصتاََ ادبی ہے۔ انہیں اپنے والد صاحب اور بھائی کی صحبت نے متاثر کیا جس کے نتیجے میں انہیں ادب سے والہانہ لگاؤ/دلچسپی یا محبت پیدا ہو گئی۔

ان کے کلام سے چند متفرق اشعار

*************

 یہ واقعہ بھی کسی سانحے سے کم تو نہیں 

چراغ لے کے کوئی روشنی کی سمت چلا

*************

مرے شعور نہیں، لاشعور میں تم  ہو

بغیر سوچے بھی تم کو ہی سوچتی ہوں میں

*************

میں نے کہا کہ چاند سے باتیں کرونگی میں

اس نے کہا پھر آئینے کے روبرو رہو

*************

کیا پہلے مقید اپنی آنکھوں میں اسے میں نے

اٹھائی پھر حسیں کاجل کی یہ دیوار رستے میں

*************

زخم تو سارے چھپا لےگا میرا جسم مگر

یہ میری روح کے آزار اگر بول پڑے

*************

آنکھ کے پانیوں میں ڈوبا ہے

ھائے اس شوخ کا حسیں چہرہ

*************

جاگ کر رات کاٹ دی میں نے

آج پھر خواب کھو گیا میرا

*************

میں چاہتی ہوں مری بات تجھ تلک پہنچے

میں چاہتی ہوں تعلق کا راستہ نکلے 

*************

یہ جو آنکھوں میں تصّور سا ترا رہتا ہے

اس کو تصویر بنا لوں تو برا ہی کیا ہے

*************

میں نے بس دل کی بات کہہ دی تھی

تم، مجھے شاعرہ سمجھ بیٹھے 

*************

ماہین خدیجہ