Malik Muhammad Asad

نام: ملک محمد اسد 

تاریخ پیدائش : 4 جون 1989

جائے پیدائش : بندیال ضلع خوشاب 

شہر کا نام : بندیال ضلع خوشاب 

شعری سفر: جب سے ہوش سنبھالا، پر پہلی باقاعدہ غزل جماعت ہشتم میں لکھی

ماں

ماں مجھے نیند کیوں نہیں آتی. . .؟ 

ماں مجھے خواب کیوں نہیں آتے. .؟ 

باتیں کرتا ہوں رات بھر لیکن. . . .؟ 

در و دیوار چُپ کیوں رہتے ہیں؟ 

ماں یہ کچھ بات کیوں نہیں کرتے؟ 

ماں عجب حال ہے میرا کہ مجھے

دنیا بھر کی دوائیں کھا کر بھی

کروٹیں بس نصیب ہوتی ہیں. . . 

ماں مجھے اب تو ایسا لگتا ہے

نیند لانے کو خواب پانے کو

مجھے اب بس دعا کہ حاجت ہے

مجھے اُس بیوفا کی حاجت ہے

ملک محمد اسد

*************

میں جب بچہ تھا 

تو اکثر 

کھلونے ٹوٹ جاتے تھے 

میرے رونے پہ

ماں آ کر کھلونے جوڑ دیتی تھی 

سنا ہے ماں سے بھی بڑھ کر 

تجھے الفت ہے بندوں سے

تَو 

آ کے جوڑ دے یا رب 

میں خود کو توڑ بیٹھا ہوں 

ملک محمد اسد

*************

پھر یوں ہوا اترنے لگے چہروں سے نقاب

پھر یوں ہوا کہ کوئی بھی اپنا نہیں رہا

پھر یوں ہوا کہ ریزہ ریزہ ذات ہو گئی

پھر یوں ہوا کہ دل کا تڑپنا نہیں رہا

پھر یوں ہوا کہ نیند کہیں جا کے سو گئی

پھر یوں ہوا کہ آنکھ میں سپنا نہیں رہا

 ملک محمد اسد

*************

کسی کے روٹھ جانے سے

کسی کے دور جانے سے

کبھی نہ لوٹ آنے سے

کہاں مر سکتی ہے چاہت؟ 

کہ چاہت زندہ رہتی ہے! 

کبھی بنجر زمینوں سے

جو بادل روٹھ بھی جائیں 

جو بارش لوٹ نہ آئے

نمو کی خواہشیں پھر بھی

کہاں مرتی ہیں مٹی کی؟ 

خلش کے کیکٹس اُگتے ہیں پھر 

سوکھی زمینوں پر

کہ سینے پر اُگے یہ خار

گو تکلیف دیتے ہیں 

مگر بارش کے جانے سے

یا بادل روٹھ جانے سے

نمو کی چاہتیں مرتی نہیں

بنجر زمینوں کی

کبھی مر ہی نہیں سکتیں

کہ چاہت زندہ رہتی ہے

کہ چاہت دائمی شے ہے

ملک محمد اسد

*************

لوگ پوچھیں گے تو کیا ان سے کہو گی پگلی؟ 

یہ حقیقت نہ کبھی بھول کر افشاں کرنا

راز کھلتے ہیں تو رسوائیاں ہاتھ آتی ہیں

تم کبھی بھول کر نہ جاں مری ایسا کرنا

میں یہ کہہ دوں گا کہ اسکی کوئی مجبوری تھی

میں یہ کہہ دونگا کہ مجھ کو ہی نبھا، نہ آیا

میں یہ کہہ دونگا وفا مجھ میں ہی کم تھی شاید

میں یہ کہہ دونگا کہ بس میں ہی ادھورا ٹھہرا

تم مگر سچ نہ بتانا نہ ہی کہنا کچھ جھوٹ

جھوٹ بولو گی تو لہجے سے پتہ چلتا ہے

سچ جو کہہ دو گی تو رسوائیاں ہاتھ آئیں گی

میں نہیں چاہتا کہ تم پہ کوئی بات کرے

کوئی بولے کہ تم بھی ہو بے وفا لڑکی

پر

لوگ پوچھیں گے تو کیا ان سے کہو گی پگلی؟

 ملک محمد اسد

*************