sans lena mahaal hai saien : poet sajid javed sajid

ساجد جاوید ساجد

سانس  لینا  محال   ہے  سائیں

عشق جاں  کا  وبال  ہے  سائیں

مجھ  کو  سپنا  عجیب   آتا   ہے

خود کشی بھی حلال ہے سائیں

آنکھیں اس کی غزال جیسی ہیں

زلف ریشم  کا  جال  ہے  سائیں

قیس لیلیٰ  پہ مر  مٹا  دل  سے

آپ    اپنی   مثال    ہے   سائیں

مجھ سے نظریں چُرا رہا ہے  دل

غم  میں  اتنا  نڈھال  ہے  سائیں

روپ  رب  کا  لگے ہے مکھڑا وہ

اس کی صورت کمال  ہے  سائیں

عشق  جس   پر   تمام   ہوتا   ہے

ایک    حبشی   بلالؓ   ہے   سائیں

ساجد جاوید ساجد

*************